ნიკეის საეკლესიო კრება: ეკლესიის ერთიანობა და საქართველო

2024 წლის 1 ოქტომბერს, სულხან-საბა ორბელიანის უნივერსიტეტმა უმასპინძლა საერთაშორისო კონფერენციას თემაზე: „ნიკეის საეკლესიო კრება: ეკლესიის ერთიანობა და საქართველო“, რომელიც მიეძღვნა ნიკეის პირველი მსოფლიო კრების 1700 წლის იუბილეს.

კონფერენცია გაიმართა წმიდა საყდრის სადესპანოს მხარდაჭერით და მიზნად ისახავდა ნიკეის კრების ისტორიული, დოგმატური და კულტურული მნიშვნელობის გააზრებას ეკლესიის ერთიანობის, დიალოგისა და თეოლოგიური თანამშრომლობის თანამედროვე კონტექსტში.

ღონისძიებაში მონაწილეობა მიიღეს როგორც ქართველი, ისე უცხოელი პროფესორები და მკვლევრები, რომლებმაც წარმოადგინეს ნაშრომები ქრისტიანული ერთობის იდეის, მისი გავლენისა და მნიშვნელობის შესახებ საქართველოს ეკლესიურ და საზოგადოებრივ ცხოვრებაში.

კონფერენცია ჩატარდა ილიას სახელმწიფო უნივერსიტეტისა და საქართველოს უნივერსიტეტის თანამშრომლობით.