წმიდა საყდრის პრეს-სამსახურის კომუნიკე: საქართველოს პრეზიდენტის მიღება 18.06.2021

ამ დილით, წმინდა მამა ფრანცისკემ ვატიკანის სამოციქულო სასახლეში მიიღო საქართველოს პრეზიდენტი, მისი აღმატებულება ქ-ნი სალომე ზურაბიშვილი, რომელიც შემდეგ შეხვდა სახელმწიფოებთან ურთიერთობის მდივანს, მის აღმატებულება არქიეპისკოპოს პოლ რიჩარდ გალაგერს.

გულთბილი საუბრის დროს გამოითქვა კმაყოფილება წმიდა საყდარსა და საქართველოს შორის არსებული კეთილი ურთიერთობების გამო, ხაზი გაესვა კულტურის, მეცნიერებისა და განათლების  სფეროში ორმხრივ თანამშრომლობას და კათოლიკური ეკლესიის ღვაწლს ქვეყანაში.    

განხილულ იქნა აგრეთვე რეგიონული და საერთაშორისო ხასიათის თემები. განსაკუთრებული ყურადღება დაეთმო ჰუმანიტარულ საკითხებს, აქცენტი გაკეთდა სამართლიანობისა და სოციალური ჰარმონიის ხელშეწყობის მნიშვნელობაზე.  

ვატიკანიდან, 18 ივნისი 2021